Pas Twitter, Basha bllokon komentet edhe në Instagram

Në të paktën dy rrjete sociale, Twitter dhe Instagram, kreu demokrat Lulzim Basha, nuk lejon komentet e ndjekësve të tij.

E ndërsa më herët ishte raportuar nga mediat se në profilin zyrtar të Lulzim Bashës në rrjetin Twitter nuk lejoheshin komentet, së fundmi kreu demokrat ka bllokuar komentet e ndjekësve edhe në Instagram.

Të dy llogaritë zyrtare të kreut demokrat, ku postohen foto të takimeve apo “cicërima” nuk lejojnë ndjekësit të bëjnë komente, çka duket se lidhet me shmangien e komenteve negative apo sulmeve në rrjetet sociale, pas përplasjeve në distancë që Basha ka krijuar me ish-Kryeministrin Berisha, Presidentin Ilir Meta, apo edhe me LSI-në.

LEXO EDHE  "Aeroportet janë fabrika buke", Rama vijon propagandën: Nuk janë parkingje...

Ndërkohë që akuzat dhe kundërakuzat mes Bashës, Berishës dhe Metës vijojnë në distancë, duket se debatit politik në rrjet i janë bashkuar edhe mbështetësit e secilit politikan. Por në këtë rast Basha i ka hequr mundësinë e komenteve në të paktën dy rrjete sociale.