Bayern Munich gati të ofrojë shifrën rekord për Pedrin, tundohet Barça

Soccrates Images/GettyImages

Më 14 Tetorin e kaluar, Barcelona gëzoi tifozët teksa zgjati kontratën e një prej lojtarëve më të mirë për 10 vitet e ardhshme në Spanjë, Pedri Gonzalez.

18-vjeçari pikërisht sot fitoi çmimin e Golden Boy, për talentin më të mirë të vitit dhe po sot mësohet se Bayern Munchen kërkon të bëjë çmenduri për mesfushorin katalanas.

Shtypi gjerman dhe ai spanjoll shkruajnë me siguri se bavarezët duan të bëjnë një goditje të jashtëzakonshme në merkato duke bërë Pedrin si lojtarin më të shtrenjtë në historinë e tyre i cili do të thyente edhe rekordin prej 80 mln Euro të Lucas Hernandez kur e blenë para dy viteve.

LEXO EDHE  Champions/ Barcelona përballë “makthit” Bayern Munich, ja si rreshtohen skuadrat

Bayerni sigurosht do të trefishonte menjëherë pagën e mesfushorit të talentuar dhe jo pa qëllim janë hedhur në sulm për të përfituar nga situata te Barcelona.

Këta të fundit janë në vështirësi financiare dhe sigurisht që duhet të bëjnë sakrifica dhe u takon drejtuesve të vendosin nëse do ta shesin apo jo lojtarin i cili ka një klauzolë të frikshme prej 1 miliardë Eurosh.