Akuzat ndaj Bashës/ PD i përgjigjet Metës: Mashtrues, nuk të kemi asnjë borxh dhe nuk t’i zgjidhim dot hallet

Partia Demokratike ka reaguar pas akuzave të Presidentit Ilir Meta në drejtim të kreut të PD, Lulzim Basha.

Në reagimin e PD thuhet se Ilir Meta njihet për mashtrimet e ti, ndaj askush dhe asnjë shqiptar nuk i ka borxh për të zgjidhur hallet personale të kreut të shtetit.

Deklaratë e Partisë Demokratike:

Përmes diversionit dhe mashtrimeve, mjetet e tij të zakonshme, Meta tenton të përçajë Partinë Demokratike. Demokratët e njohin mirë atë, ia dinë bëmat dhe gjëmat, se si e përdori pushtetin në kurriz të tyre dhe asnjë përpjekje e ulët për përçarje nuk do t’i funksionojë. Ne demokratët nuk i kemi asnjë borxh dhe nuk ia zgjidhim dot hallet e tij.

LEXO EDHE  E RËNDË/ Vetëvaret shqiptari në burgun grek