Pas Sarandës dhe Tiranës, një tjetër shtetas ka rënë nga lartësia gjatë paradites së sotme dhe ka përfunduar në spital.
Ngjarja ka ndodhur në Xhafzotaj rreth orës 11:40 të paradites së sotme.
Burime zyrtare bënë me dije se rreth orës 11:40, ka shkuar në urgjencën e Spitalit Durrës, shtetasi me inicialet F. A., pasi duke punuar në një banesë në fshatin Xhafzotaj dyshohet se aksidentalisht ka rënë nga lartësia. Aktualisht 49-vjeçari ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të ngjarjes.
