Nuk ka fitues në Kamzë, barazim emocionues 2-2 mes Teutës dhe Skënderbeut

Teuta e mbyll fazën e parë me një tjetër hap fals. Në ndeshjen e luajtur në Kamzë, si shtëpia e durrsakëve në këtë ndeshje, ndeshja nuk pati fitues dhe përfundoi në barazim 2-2.

Shumë emocionuese ishte ndeshja dhe ndoshta barazimi i drejtë për atë që u pa në fushë pasi 2 gola nga të dyja skuadrat u shënuan në fraksionin e parë e po aq edhe në të dytën.

Për ekipin e Memellit ishte fillimisht Mensah që surprizoi me një gol me kokë në 19’ ndërsa Lorenzo Villa në 36’ vuri barazpeshën.

Pjesa e dytë sërish me protagonist lojtarin e Teutës, Vilën i cili me një gjuajtje të befasishme çon topin në rrjetë në 58’.

LEXO EDHE  Premier League/ Newcastle i arabëve në telashe, fiton Leeds

Skënderbeu hidhet në sulm për golin e barazimit teksa në 70’ ka tension për një pretendim të miqve për një penallti ndërsa Memelli bën zëvendësimet e duhura teksa Melos Barjami i cili kishte pak sekonda i futur në lojë barazon me kokë rezultatin.

Ka disa raste të tjera emocionuese për të dyja skuadrat por në fund duhet të kënaqen me një barazim 2-2 që më shumë ndihmon Skënderbeun sesa Teutën.