22-vjeçarja tentoi të vetëvritet me thikë në Korçë, zbulohet shkaku

Një ngjarje e rëndë ka ndodhur, mbrëmjen e djeshme në Maliq të Korçës ku një shtetase 22 vjeçare tentoi të vetëvritet me thikë. Pas hetimeve, rezultoi se shtetasja E.R kishte rënë pre e dhunës fizike të ushtruar nga bashkëshorti i saj 34 vjeçar me inicialet E.R.

Mësohet se agresori u vu në prangat e policisë, ndërsa 22 vjeçarja ndodhet nën kujdesin e mjekëve të spitalit të Korçës.

Njoftimi i Plotë:

Maliq

Ushtroi dhunë fizike dhe psikologjike ndaj bashkëshortes së tij, e cila më pas tentoi të vetëvritej, vihet në pranga 34-vjeçari.

Specialistët për Hetimin e Krimeve në Komisariatin e Policisë Maliq, në vijim të punës për zbardhjen e plotë të rrethanave të ngjarjes së ndodhur mbrëmjen e djeshme në fshatin Orman, Maliq, bënë arrestimin në flagrancë për veprën penale “Dhuna në familje”, të shtetasit E. R., 34 vjeç, banues në këtë fshat.

LEXO EDHE  Gjekmarkaj: Basha mbeti nën hijen e Berishës, mjerë demokratët...

Nga veprimet hetimore të kryera, rezulton se ky shtetas në banesë, ka ushtruar dhunë fizike dhe psikologjike, ndaj bashkëshortes së tij shtetases E. R., 22 vjeçe, e cila në gjendje të rënduar psikologjike, ka tentuar të vetëvritet me thikë dhe ndodhet në Spitalin e Korçës nën kujdesin e mjekëve.

Materialet i kaluan Prokurorisë së Rrethit Gjyqësor Korçë për veprime të mëtejshme.