Protesta dhe përplasje me policinë në Roterdam kundër masave anti-Covid, 2 të plagosur

Tension i lartë në qendër të Roterdamit gjatë një proteste kundër bllokimit të Covid, ku gjatë përplasjeve me policinë kanë mbetur dy persona të plagosur.

Mediat holandeze bëjnë të ditur se nuk dihen ende rrethanat e aksidentit. Më parë, oficerët e policisë kishin qëlluar për paralajmërim.

Mbrëmjen e djeshme, protesta e paralajmëruar kundër masave kufizuese të urdhëruara nga qeveria holandeze për përballimin e epidemisë, doli jashtë kontrollin.

LEXO EDHE  Sa sekonda i duhen Elon Musk për të marrë rrogën tuaj mujore?

Qindra njerëz dolën në rrugë duke thirrur “liri”, ndezën fishekëzjarre të forta dhe hodhën sende ndaj policisë.

Një makinë policie iu dogj, ndërsa të tjerat u dëmtuan nga demonstruesit. Gjatë shuarjes së zjarrit janë goditur edhe zjarrfikësit. Gjithashtu u dogjën edhe automjete dhe objekte të tjera.