Ngjarja në Lezhë/ Policia shpall 4 persona në kërkim për moskallëzim, autorët ende të paidentifikuar

Tre persona të maskuar dhe armatosur kanë hyrë në ambientet e një lokali, duke kërcënuar katër persona që ishin në një tavolinë. Referuar pamjeve të kamera të sigurisë ngjarje ka ndodhur pas mesnatës në datën 13 nëntor, në një lokal në rrugën e vjetër Lezhë-Milot. Policia e Lezhës lidhur me këtë ngjarje ka bërë të mundur identifikimin e lokalit që shfaqet në video dhe ka shpallur në këtër persona për moskallëzim krimi.

Ndërkohë, personat që shaqen me armë mbeten të paidentifikuar, të paktën sipas njoftimit të vetë Policisë.

“Nga verifikimet e kryera, ka rezultuar se ngjarja ka ndodhur më datën 13 nëntor 2021, në lokalin në pronësi të shtetasit A.K., në fshatin Zejmen dhe shtetasit që shfaqen në video, dyshohet se kanë pasur konflikt me pronarin e këtij lokali, i cili nuk ka qënë prezent,” informojnë blutë e Lezhës.

LEXO EDHE  Ushtronin aktivitetin e lojërave të fatit, Policia e Beratit kap 4 persona

Lidhur me këtë ngjarje nuk ka pasur raportim në polici dhe nga verifikimet e kryera ka rezultuar se nuk ka pasur vjedhje, as persona të dëmtuar, shtojnë të njëjtat burime.

Policia gjithashtu bën me dije se u bë e mundur identifikimi dhe shpallja në kërkim e shtetasve: “A.K., 25 vjeç, banues në Zejmen, pronari i lokalit, F.B., 26 vjeç, M.V.,29 vjeç dhe I.A., 34 vjeç, banues në fshatin Pllanë, Lezhë, të cilët ndodheshin klientë në lokal, për vepren penale ‘Moskallëzim i krimit’, kryer në bashkëpunim”.

Lexo edhe:

Tre persona me kallash në dorë u prishin “festën” të rinjve në Lezhë