Basha me kryediplomatin austriak: Anëtarësimi i Shqipërisë në BE, prioritet absolut i PD

Kryetari i PD-së, Lulzim Basha ka zhvilluar një takim me kryediplomatin e Austrisë.

Në një postim në rrjetet sociale, Basha zbardh detaje nga takimi.

“Me kënaqësi prita Ministrin për Europën dhe Çështjet Ndërkombëtare të Austrisë, Z.Michael Linhart, të cilit i shpreha mirënjohjen për mbështetjen e çmuar dhe të kahershme të Austrisë për Shqipërinë, e në veçanti në përpjekjen tonë historike për integrimin në Bashkimin Europian. Ndava me të prioritetet e Partisë Demokratike për garantimin e zgjedhjeve të lira dhe të ndershme, për luftën kundër krimit të organizuar dhe korrupsionit, për prerjen e lidhjeve të politikës me krimin, që për shumë gjatë e kanë penguar dhe vonuar rrugëtimin tonë drejt BE-së”, shprehet Basha.

LEXO EDHE  "Omicron", Dollenberg: Kujdes, gjendja e pacientit përkeqësohet brenda pak orësh

“Jam i lumtur që me Ministrin dhe përfaqësuesin e simotrës tonë Partisë Popullore të Austrisë, bashkëndajmë bindjen se Bashkimi Europian është alternativa e vetme për rajonin, si dhe e sigurova se anëtarësimi i Shqipërisë në BE mbetet prioritet absolut i Partisë Demokratike, si garanci për ndërtimin e një të ardhmeje më të mirë për qytetarët shqiptarë”, shton ai.