Paloka: Demokratet po ‘hanë’ njeri-tjetrin. Vota, e vetmja zgjidhje

Deputeti demokrat Edi Paloka shprehet se lufta mes dy palëve në Partinë Demokratike po sjell përçarje.

Për të dalë nga situata, kryetar i Këshillit Kombëtar të PD jep një propozim. Paloka sugjeron të votohet nga anëtarësia Sali Berisha dhe Lulzim Basha.

“Kush fiton, të na prije. Kush humbet, le të krijojë fraksionin e tij në PD e të prese deri sa të fitoje besimin e shumicës e pas kësaj të rifillojmë betejën me armikun e vërtetë”, shton ai.

Reagimi

Në një postim në rrjetet sociale, Paloka shkruan: “Sot është më se e qartë se në PD janë krijuar dy palë të cilat me luftën mes tyre, sa me shumë zgjatet, aq më shumë e dëmtojnë PD! Kush bën sikur nuk e sheh këtë realitet, fsheh kokën si struci me absurdin se ‘çfarë nuk e shoh unë, nuk është duke ndodhur’ ndërkohë që demokratet pë hanë njeri-tjetrin”.

Ai shton se e vetmja zgjidhje është vota.

LEXO EDHE  Shkatërrohet banda shqiptare në Greqi, tre të arrestuar

“Të votohen nga gjithë anëtarësia Sali Berisha dhe Lulzim Basha! Lë të zgjedhë anëtarësia se kë dëshiron të ndjekë. Dilni në shesh të burrave e matuni! Pas kësaj, të rifillojmë betejën me armikun e vërtetë! Kush fiton, të na prije. Kush humbet, le të krijojë fraksionin e tij në PD e të prese deri sa të fitoje besimin e shumicës! Vetëm kështu do mbetemi bashkë të gjithë”, propozon Paloka.

“Demokratet e bashkuar dhe fitorja e PD janë të vetmet dëshira e qëllime të demokratëve të thjeshtë, që e duan dhe kanë lidhur jetën me PD! Rrugët e tjera, e për më tepër hilet e truket për të mos u ballafaquar me realitetin që zgjasin agoninë dhe përçajnë edhe më shumë demokratet i shërbejnë vetëm shkatërrimit të PD, i shërbejnë Ramës”, përfundon ai.