Aktori i famshëm turk Burak Ozçivit, i njohur si “Osmani” për publikun shqiptar, rrezikon deri në katër vite burg.
Sipas mediave turke, ai mund të dënohet për fyerje nga 4 punonjës të serialit.
Incidenti për të cilin mund të dënohet aktori ndodhi në dhjetorin e vitit të kaluar, gjatë xhirimeve të serialit “Kurulus Osman”.
Në deklaratën e dorëzuar në gjykatë, thuhet se aktori në mes të xhirimeve ka nisur të ofendojë kolegët dhe t’i thërrase me emra nënçmues, gjë që mund të konfirmohet nga disa dëshmitarë. Megjithatë, aktori i njohur turk ka mohuar të gjitha akuzat.
