Ndeshja e 20 nëntorit ndaj Luisetto-s, Marku: Nuk është në nivelin tim, së shpejti ndeshem në Tiranë

Picture By Ian Walton Matchroom Boxing

Florian Marku është gati për duelin kundër Jorick Luisetto, më 20 nëntor në “Wembley”. Boskieri shqiptar këtë herë nuk është “kapur” shumë me kundërshtarin, siç ndodhi në duelin e  shkuar kundër Maxim Prodan.

“Boksi, ndeshja është jeta ime. Njerëzit nuk e kuptojnë këtë, por kjo është e vetmja gjë që më bën të lumtur. Gruaja ime është shtatzënë, është në ditët e saj të fundit të shtatzënisë. Mund të lindë sot ose nesër, por shpresoj që të mos lindë të shtunën, sepse nuk do të jem në gjendje që ta shoh atë ditë”, ka thënë Marku.

“Sa i përket kundërshtarit, jam shumë i lumtur dhe e përgëzoj Jorick që e pranoi këtë ndeshje. Nuk kam shumë gjëra për të thënë për të, unë mendoj që ai nuk është në nivelin tim dhe për të treguar dhe kuptuar se sa shumë e dua boksin, unë mund të ndeshem çdo muaj, nëse i kam duart në rregull”.

“Tani jam kthyer dhe dua që të zhvilloj një ndeshje të madhe në stadiumin në Shqipëri, ku janë rreth 30 mijë tifozë. Do të kalojmë me sukses Jorick të shtunën dhe më pas dua të shkoj në Tiranë, që të zhvilloj një ndeshje të madhe atje”, ka deklaruar Marku.

LEXO EDHE  Nuk ndalen telashet për Ilir Dajën, te Partizani dëmtohet tjetër lojtar