FOTO/ Daja e komplimentoi, ja si ia “shpërblen” trajnerit Stenio Junior

Foto: Partizani.al

Nuk ka pushim për Stenio Junior. Sulmuesi brazilian i Partizanit duket se kërkon të gjejë formën optimale për të dhënë maksimumin me të kuqtë. Dje, ishte protagonist në fitoren 2-0 kundër Besëlidhjes në kuadër të turit të dytë të Kupës së Shqipërisë. Ai arriti të realizonte golin e dytë duke kualifikuar në raundin pasardhës ekipin e tij.

Sot ka bërë një postim në rrjetet sociale ku shfaqet në një palestër në kryeqytet duke u stërvitur. Me sa duket elozheve të trajnerit Ilir Daja pas ndeshjes, ai ia ka shpërblyer duke u përgatitur në një sallë të mbyllur.

LEXO EDHE  Kërkohet nga Real Madrid, anësori i Bayern Munich mes rinovimit dhe lamtumirës

Kujtojmë që Partizani luan të shtunën kundër Laçit, në kuadër të javës së nëntë të Superiores. Pritet me interes kjo sfidë për të parë nëse të kuqtë do të konfirmojnë vazhdimësinë pas triumfit ndaj Kastriotit, apo do të vijojnë sërish në vazhdën e rezultateve negative.