Vijon të jetë e tensionuar situata në Gjykatën e Fierit, ku familjarë të 8-vjeçarit dhe qytetarë janë të vendosur jashtë ambienteve të institucionit dhe kërkojnë dënim me vdekje për autorin e krimit, 38-vjeçarin Klodian Çalamani.
Një prej familjarëve të fëmijës së vrarë nga 38-vjeçari tha për gazetarët se 8-vjeçari kishte dalë me biçikletë për t’i blerë bukë Klodian Çalamanit. Por, pasi ka shkuar në banesën e autorit, nuk ka dalë më i gjallë prej aty.
“Kriminelit vajti i mori bukën dhe ia çoi në shtëpi. Për të ngrënë krimineli bukë. Ne e mbanim me bukë e krimineli na bëri gjëmën. Nuk na e priste mendja kurrë. Na pyeste e gjetët djalin?! Shyqyr që ishin kamerat e shtëpisë që treguan biçikletën se nuk do kishim as kufomën e djalit, kushedi ku do e çonte”, u shpreh ajo.
