Arrest me burg është masa e sigurisë e dhënë për Klodian Çalamanin, 38-vjeçarin që vrau 8-vjeçarin Mateo Vasiu, në Grecalli të Fierit.
Seanca gjyqësore është zhvilluar pa praninë e autorit, ndërsa nga policia është marrë deklarata e 38-vjeçarit ku shpreh vullnetin që gjykimi të bëhej në mungesë të tij.
Gjyqtarja Sonila Hoxha caktoi masën e sigurimit “arrest me burg” për Çalamanin, siç kërkoi prokurori Çlirim Sino.
Vrasësi i 8-vjeçarit në Fier, Klodian Çalamani, është braktisur edhe nga avokati mbrojtës.
Raportohet se avokati Erlis Nakollari, i cili ishte caktuar nga shteti për të mbrojtur vrasësin e vogëlushit, është tërhequr nga çështja.
Këtë të Enjte ishte një situatë e tensionuar para gjykatës, ku familjarë të fëmijës dhe qytetarë kërkuan dënim me vdekje për autorin.
Lexo edhe:
Tensionohet sërish situata, familjarët kërkojnë të hyjnë në Gjykatën e Fierit
