Babai i Mateo Vasiut ka kërkuar dënim me vdekje për vrasësin e djalit të tij, si dhe ka bërë apel për përkrahje nga qytetarët.
“Të ma bien këtu të varin nesër. Unë dua që drejtësia të vihet në vend për Mateon. Të ngrihet i gjithë populli”, tha ai në një prononcim për gazetarët.
“Ne e kemi mbajtur me buke, e kemi ushqyer”, tha e ëma për autorin e ngjarjes Klodian Çalamani.
I ati i 8-vjeçarit që u vra Çalamani tha se ky i fundit u shfaq i qetë dhe komunikoi me të edhe pas krimit.
“Kur vajta në polici erdhi aty dhe më tha: ‘hë e gjete djalin’. Hapëm kamerat e byrazerit, ka vajt çuni i ka çuar bukën dhe nuk është kthyer më çuni. Ishte shumë i qetë sikur s’kishte ndodhur asgjë. Pamë në kamera biçikletën e tij. Policia shkoi më pas në banesën e tij”, tregoi i ati.
“Nuk flas dot, çuni kishte çarje nga koka”, tha më tej ai.
Familjarë dhe të afërm të Mateo Vasias kanë nisur mbledhjen e firmave për një peticion ku kërkojnë dënimin me vdekje të vrasësit të 8-vjeçarit.
