Kupa e Shqipërisë/ Eliminohet Kukësi, ja skuadrat që kualifikohen në çerekfinale

Foto: FSHF.org

Janë luajtur ndeshjet e kthimit të raundit të dytë të Kupës së Shqipërisë ku pati surpriza të mëdha. Kukësi ishte skuadra e madhe e eliminuar në këtë raund ku nuk mundi të kthente humbjen e parë që pësoi 3-1 me Egnatian. Sfida e dytë u mbyll me fitoren 1-0 për  verilindorët të cilët nuk arritën të shënonin më shumë dhe i japin lamtumirën objektivit të dytë për nga rëndësia për këtë sezon.

Partizani gjithashtu avancoi më tej falë fitores 2-0 me Besëlidhjen të cilët i kishte mundur 1-0 edhe në ndeshjen e parë. Laçi u mjaftua me barazimin 1-1 ndaj Tomorit për t’u kualifikuar më tej ndërsa Teuta fitoi edhe në ndeshjen e dytë 2-0 me Korabin.

LEXO EDHE  Teuta-Vllaznia/ Dominim i shkodranëve, por golin e shënojnë durrsakët

Vllaznia shpartalloi 6-1 Pogradecin duke mos u kursyer në gola në ndeshjen e kthimit ku e para ishte fituar 2-0.

Flamurtari bëri surprizën teksa avancoi në çerekfinale me suksesin 4-2 në fushën e Kastriotit që bëhet ekipi i dytë nga Superiorja që eliminohet në Kupën.