Kreu demokrat Lulzim Basha ka paralajmëruar përjashtimin e Sali Berishës nga Partia Demokratike.
Në takimin me drejtuesit e degëve të PD, Basha akuzoi Berishën se po synon ta përdorë PD si një mburojë dhe të destabilizojë partinë.
Në këtë kuadër, ai paralajmëroi se do të zbatojë statutin e PD ndaj kujdo që shkel vendimet e Kryesisë.
“Kryesia e PD ka miratuar mbledhjen e Kuvendit Kombëtar më 18 dhjetor, por Berisha nuk e njeh vendimin e Kryesisë, ai nuk njeh vendimet e forumeve. Asnjë anëtar nuk është mbi statusin e PD.
Berisha po tenton të bunkerizojë PD. Berisha nuk njeh asgjë legjitime, por ai nuk është mbi të tjerët”, u shpreh Basha.
