Përmbysje në kohën shtesë, Kosova U21 mposht Shqipërinë

Në ndeshjen vëllazërore mes dy përfaqësuesve Shpresa të Kosovës dhe Shqipërisë, dardanët marrin më të mirën duke fituar një ndeshje emocionuese në “Fadil Vokrri”.

Ishin vendasit që besuan deri në fund duke përmbysur ndeshjen pasi Shqipëria kaloi e para në avantazh me Karricën në 58’ në pjesën e dytë ndërsa dardanët luftuan deri në fund.

Ishte Krasniqi fillimisht në 66’ që arriti të vendoste barazpeshën me golin e realizuar ndërsa kur të gjithë menduan se ndeshja mbaroi 1-1, Kosova me Sejdiun në 91’ me një aksion shumë të bukur mposhtën mbrojtjen dhe portierin kuqezi.

LEXO EDHE  FOTO/ Një tjetër shqiptar në formacionin e javës, këtë herë në Hungari

2-1 ishte fitorja që shkoi për Kosovën në këtë “derbi” të parë të eliminatoreve teksa skuadrat do të ndeshen edhe për ndeshjen e fundit në Grupe mes tyre në Tiranë.

Me këtë humbje, Shqipëriz zbret në vendin e tretë në Grupin 7 me 9 pikë ndërsa Kosova e parafundit me 6 pikë.