Manja: Kemi kallëzuar në SPAK disa punonjës së Kadastrës

Ministri i Drejtësisë, Ulsi Manja deklaroi në një konferencë për mediat, se Drejtoria e Përgjithshme Antikorrupsion ka kallëzuar në SPAK disa punonjës së Kadastrës.

“Rasti i parë ka bëjë me njësinë administrative Ishëm, Durrës. Është legalizuar një vend brenda një kopshti publik, ndërtimi pa leje është bërë direkt mbi kopshtin, është shtuar një kat, aty ku mësojnë fëmijët e kësaj njësie. Legalizimi është bërë në mënyrë abuzime, zyrtarët që do të denoncohen sot në SPAK e kanë marrë legalizimin për privatin. Kemi dërguar në prokurori 6 persona, punonjës aktual e jo vetëm. Me veprimet e tyre shpërdoruan detyrën në mënyrë flagrante. Rasti i 2, i përket drejtorisë rurale 2. Në kartelën manuale të pasurive, prona rezulton shtet, ndërsa rezulton në emër të një qytetari i cili nuk ka bërë kërkesë. Në listën e trojeve, kjo pasuri një herë është në emër të një qytetari, një herë shtet, një herë në emër të një qytetari tjetër. Janë kryer veprime për sekuestrimin e tokës. Të gjitha këto janë kryer nga një person i vetëm. I njëjti person që ka kryer të njëjtat gjëra për të regjistruar pronat. Këto raste janë të parat për të cilat njësia antikorruopsion ka përfunduar hetimet, janë firmosur kallëzime. Për rastin e Ishmit, ka të bëjë me faktin se është në zonë bregdetar”, tha Manja.

LEXO EDHE  A i kërkoi Metës shtyrjen e zgjedhjeve lokale? Ja si përgjigjet Basha

Ai paralajmëroi punonjësit e këtij institucioni në të gjithë vendin se Drejtoria e Përgjithshme Antikorrupsion e ngritur së fundmi, do të merret specifikisht me Kadastrën. “Nëpunësit që shërbejnë në këtë institucion dhe këto zyra duhet të kuptojnë që nuk janë ata që të bëjnë pronar ose të zhveshin nga prona. Janë thjesht një institucion që regjistron pronat”, tha Manja.

Drejtoria e Përgjithshme Antikorrupsion është një agjenci shtetërore e ngritur pak javë më parë nga qeveria, e cila është nën drejtimin e Ministrisë së Drejtësisë.