BE investon 1.1 miliardë euro në ekonominë e gjelbër

Bashkimi Evropian do të investojë 1.1 miliardë euro (1.24 miliardë dollarë) në projekte të reja inovative për të zhvilluar ekonominë e gjelbër, si pjesë e tranzicionit të bllokut drejt objektivit për zero emetime neto deri në vitin 2050, njoftoi sot Komisioni Evropian.

Grantet për projektet do të ndihmojnë në rifillimin e ekonomisë së BE-së dhe krijimin e një rimëkëmbjeje të gjelbër, pas ndikimit të Covid-19, deklaroi zëvendës presidenti i Komisionit Evropian, Frans Timmermans.

Investimet e para të Fondit të Inovacionit të Komisionit Evropian, do të përfshijnë shtatë projekte në shkallë të gjerë.

LEXO EDHE  Sa sekonda i duhen Elon Musk për të marrë rrogën tuaj mujore?

Fondi synon të ndajë 25 miliardë euro gjatë dekadës së ardhshme për zhvillimin e teknologjive duke konsumuar më pak dioksid karboni (CO2) për të ndihmuar në dekarbonizimin e ekonomisë së BE-së.

Një nga projektet në Francë, lidhet me kapjen e emetimeve nga një fabrikë çimentoje dhe pjesërisht depozitimi i dioksidit të karbonit në Detin e Veriut për ta kthyer atë në beton.

Gjashtë projekte të tjera në Belgjikë, Itali, Finlandë, Holandë, Norvegji, Spanjë dhe Suedi janë përzgjedhur gjithashtu për financim.