Komisioneri i zgjerimit Oliver Varheli bëri thirrje që konferenca e parë ndërqeveritare për Tiranën e Shkupin të mbahet brenda këtij viti.
Zyrtari i lartë i BE-së deklaroi përpara takimit të ministrave të Jashtëm se pret progres në këtë çështje pas zgjedhjeve në Bullgari.
“Raportet e vendeve të Ballkanit Perëndimor me BE-në nuk janë vetëm rreth zgjerimit, por kanë të bëjnë edhe me përshtatjen e politikës së tyre të jashtme me atë të unionit. Zgjerimi mbetet mjeti kryesor i BE-së për të forcuar stabilitetin në Ballkanin Perëndimor. Unë pres që tani, pas zgjedhjeve në Maqedoninë e Veriut dhe në Bullgari të shohim një progres të shpejtë. Ne jemi të gatshëm të nisim punën sa më shpejtë dhe të përfundojmë ceshtjen që na ka mbetur ende pezull, të zhvillohet konferenca e parë ndërqëveritare për maqedoninë e veriut edhe shqipërinë brenda këtij viti”, tha Varhelyi.
Ndërkohë përfaqësuesi i lartë i BE për Politikë të Jashtme, Josep Borrell, ngriti shqetesimin per situaten ne Bosnje Hercegovine.
“Situata aktualisht në Ballkanin Perendimor mund të themi që nuk është dhe aq e mirë. Në Bosnje e Hercegovinë ka tendenca që rrezikojnë unitetin e këtij vendi dhe përparimin në rrugën drejt integrimeve evropiane.Kemi edhe dialogun Kosovë-Serbi që pritet të jetë temë diskutimi”, u shpreh ai.
Ministrat e Jashtëm pritet të diskutojne edhe për ashpërsimi e sanksioneve ndaj Bjellorusisë, pas situatës së krijuar nga refugjatët në kufi me poloninë.
