Kryesia e Partisë Demokratike ka nisur mbledhjen e parë, ndërsa kreu demokrat Lulzim Basha ka akuzuar ish-Kryeministrin Sai Berisha se problemin e tij personal me SHBA po përpiqet t´ia imponojë PD.
Mësohet se Basha e ka nisur fjalën e tij duke sulmuar Foltoren, që e ka cilësuar një nismë personale të Berishës, që s´ka lidhje me PD.
“Berisha ka një problem personal që po përpiqet t´ia imponojë Partisë Demokratike. Në rrjetet sociale ka njoftuar se në 11 dhjetor do të mbajë një miting”, mësohet të jetë shprehur Basha.
Kreu demokrat ka deklaruar se më 11 dhjetor nuk do të ketë Kuvend Kombëtar të PD, duke shtuar se 11 Dhjetorin nuk mund ta shndërrojë dot Sali Berisha, nga dita e lirisë, dita e demokratëve, dita e demokracisë, në ditën e bunkerizimit të PD, në ditën e izolimit të PD.
