FOTO/ Me 3 gishta dhe hartën e Serbisë së madhe, ja festa e serbëve pas fitores me Portugalinë

Serbia, falë fitores së djeshme me Portugalinë, u kualifikua për ndeshjet finale të Botërorit 2022, në Katar. Goli në minutën e fundit nga Aleksandër Mitroviç i dha fitoren ekipit serb.

Mirëpo, gjatë festës, serbët duket se nuk janë ndarë dot pa përfshirë edhe Kosovën. Në bluzat e tyre të festës ata kanë stampuar hartën e Serbisë, por aty kanë përfshirë edhe Kosovën.

Gjithashtu, në të gjitha fotot që ata kanë postuar, futbollistët serbë shihen me tre gishtat lart. Gjesti i tre gishtave është një simbol ekskluziv serb, i cili në vitet e fundit ka marrë ngjyrime të forta nacionaliste, pasi u përdor në masë nga forcat paramilitare serbe në luftë, fillimisht kundër myslimanëve.

LEXO EDHE  Koronavirusi në Greqi/ 116 humbje jete dhe 4943 të infektuar në 24 orët e fundit

Futbollistët serbë duket se nuk e kanë mësuar se Kosova është një shtet i pavarur dhe ka ekipin e saj në futboll, që dje barazoi me Greqinë dhe bëri një lojë të bukur.