U përfshinë në fushatë, pezullohen 2 policë në Kosovë

Dy punonjës të policisë në Kosovë janë pezulluar nga detyra pasi dyshohet janë përfshirë  në aktivitete dhe komente politike gjatë fushatës parazgjedhore për zgjedhjet e raundit të dytë.

“Policia e Kosovës ka suspenduar përkohësisht dy zyrtarë policorë, njeri me detyrë në kuadër të departamentit të hetimeve dhe tjetri me detyrë në kuadër të departamentit të kufirit, pasi që dyshohet se të njëjtit janë përfshirë në aktivitete dhe komente politike gjatë fushatës parazgjedhore-balotazhi 2021, që paraqet shkelje të rëndë disiplinore”, thuhet në njoftimin e policisë.

LEXO EDHE  Të shtëna me armë zjarri, plagosen 3 persona

Sot, zhvillohet raundi i dytë i zgjedhjeve lokale në 21 komuna të Kosovës, ku 1.260.571 votues pritet t’i drejtohen kutive të votimit.

Partia që garon në numrin më të madh të komunave për balotazh është Lëvizja Vetëvendosje me gjithsej 12 komuna.

Lexo edhe:

Sot raundi i dytë i zgjedhjeve lokale në Kosovë, votohet në 21 komuna