Maliqi: Koha të bashkohemi si opozitë më 11 Dhjetor dhe të reagojmë fortë deri në rrëzimin e qeverisë

Foto postuar në Fb nga ish-deputeti Lefter Maliqi

Ish-deputeti Lefter Maliqi ka reaguar pas atentatit të ndodhur pasditen e djeshme në zonën e “Astirit” në kryeqytet, ku mbetën të vrarë dy persona.

Maliqi shprehet se situata në vend është e rënduar në shumë aspekte, ndërsa përgjegjës bën kryeministrin Edi Rama dhe qeverisjen e tij. Ish-deputeti apelon që opozita të bashkohet më 11 Dhjetor – dita kur është njoftuar mbledhja e Kuvendit Kombëtar të PD-së nga ish-kryeministri Sali Berisha dhe të reagojë fortë deri në rrëzimin e qeverisë.

“Vrasje cdo dite, krim, korrupsion, droge, varferi, papunesi ky eshte mandati i 3-te i krimit te Rilindjes se babëzisë. Tek ne eshte vrare shpresa eshte vrare e ardhmja, po vritet demokracia, po iken jeta e njeriut sikur te ishte pulë. Vrasje mes Tiranes, vrasje mes Elbasanit, Lushnjes, Vlores, Shkodres kudo, kufoma te dekompozuar ne malin me gropa ne dajt, ne Peqin, makina te djegura, kudo vrases me pagese. Boll më me aktrimin qeveritar, me minister te familjes se kryemafiozit Rama. Vjedhja, blerja e votes, kercenimi, manipulim i votuesve con ne keqqeverisje, ne krim, korrupsion, pasiguri, varferi. Kjo pasi ska pas opozite dhe shoqeri civile per reagim”, shkruan Maliqi në një postim në rrjetet sociale.

LEXO EDHE  ‘Foltorja’ e New Jersey/ Kokalari zbulon pjesëmarrjen e përfaqësuesit të Republikanëve

“Koha te bashkohemi ne 11 Dhjetor si opozite dhe te reagojme forte deri ne rrezimin e qeverise se krimit dhe vendosjes se rendit, demokracise dhe votes se lire. Te bashkuar drejt fitores”, shton ai.