Ekzekutimi/ Policia ndaloi ‘Audi’-n e viktimave për kontroll disa minuta para ngjarjes

Të tjera detaje janë zbardhur lidhur me ekzekutimin e Erigers Mihasi, 32 vjeç, dhe Armando Dumani, 26 vjeç, krim i kryer rreth orës 19:30 në zonën e Astirit.

Viktimat po qarkullonin me automjetin Audi A 8, kur ndaj tyre u qëllua me breshëri automatike nga një tjetër makinë. Nga raportimet automjeti i autorëve dhe ai i viktimave ka qenë paralel, me një distancë jo më shumë se 5 metra, në semaforin pranë vendit të quajturit “Dy Rrathët”.

Disa minuta para ngjarjes së rëndë, nga raportimet mediatike, mësohet se automjeti i viktimave është ndaluar nga një patrullv policie te Universiteti Politeknik, pranë sheshit ‘Nënë Tereza’.

LEXO EDHE  Reshjet e borës/ ARRSH: Akset rrugore nacionale të hapura, qarkullimi pa probleme

Pas kontrollit rutinor nga uniformat, ata janë të lënë të lirë. Më pas sipas raportimeve, viktimat kanë vijuar në zonën e Astir, ku janë ndalur në një prej lokaleve të zonës. Dyshimet janë se autorët po i vëzhgonin viktimat dhe kanë ndërmarrë atentatin, ndërsa Audi A 8 ishte ndalur në semafor.