Një çift izraelit i arrestuar në Turqi për fotografimin e pallatit të presidentit turk Rexhep Tajip pritet të lirohet të premten, njoftuan mediat lokale.
Dyshja, të dy shoferë autobusi Egged rreth të 40-tave nga Izraeli qendror, u arrestuan pasi gruaja filmoi pallatin e Erdoganit, me gjasë duke mos e ditur se ishte i paligjshëm. Ajo më pas dërgoi foton në një grup familjar në WhatsApp me mbishkrimin: “Një shtëpi kaq e bukur”.
Familjarët e tyre e kuptuan se çfarë ndodhi vetëm kur nuk u kthyen në shtëpi të martën siç ishte planifikuar.
“Ishte një akt i pafajshëm i bërë me mirëbesim, si një akt turistik, dhe jo si një akt ‘kriminal’ që justifikon një akt të tillë abuziv ndalimi,” tha avokati i çiftit Nir Yaslovitzh në një letër drejtuar Ministrit të Jashtëm Yair Lapid, për të cilën ata iu lutën që të ndërhynte.
Një zyrtar i lartë izraelit i tha faqes së lajmeve Ynet se Jerusalemi “po vepronte në heshtje” për të sjellë lirimin e çiftit.
