Kryetari i Këshillit Kombëtar të PD-së Edi Paloka i ftuar në ‘Kjo Javë’ në ‘News24’ deklaroi se kryetari i Partisë Demokratike Lulzim Basha i detyrohet ish-kryeministrit Sali Berisha, pa i hequr atij vlerat.
I ndalur tek vendimi për djegien e mandateve dhe bojkotimi i zgjedhjeve, Paloka tha se për këtë çështje është diskutuar shumë herë, por vendimi i Bashës ishte i papritur dhe se vetë Paloka nuk kishte marrë asnjë komunikim më herët për të zbatuar vendimin
“Pa i hequr vlerat Basha që nga A deri tek ZH i detyrohet Berishës. Të thuash sot se nuk e kam njohur dhe ky është shkaktar i humbje do të doja që kryetari im të bënte deklarata serioze. Dëgjova që tha se hoqa Berishën dhe tani thonë që ka influencuar të gjitha vendimet, tani këtu ka kundërthënie…”, u shpreh ai.
Basha është shprehur se ish-kryeministri Berisha ka qenë pike kyçe, ndalur tek lënia e mandateve si edhe bojkotimi i zgjedhjeve. Çfarë dini për këtë?
Paloka: Unë di që është diskutuar disa herë lënia e mandateve. Për qëndrimin e Berishës nuk jam shumë i sigurt. Çështja e mandateve ishe edhe në presionin e militanteve. Kam kërkuar që mandatet ti dorëzojmë në qershor. Qëllimi ka qenë rrëzimi i Ramës, nuk u realizua. Vendimi për djegien e mandateve është marrë papritur nga zoti Basha, është diskutuar disa herë, por ditën kur u mor vendimi mua nuk më ka pyetur njeri, është thënë do të djegim mandatet. Nëse flitet për përgjegjësi të Berishës për Bashën, kam kërkuar që përderisa ne kemi qenë mbështetësit më të madh të Bashës të përpiqemi të mos jemi agresiv sepse e kemi mbështetur deri në fund. Për përgjegjësinë, i kam thënë Bashën na e solle ti doktor dhe shumica e demokratëve e kanë mbështetur prej teje”, tha Paloka.
