Aleks Soros është ribashkuar me kryeministrin Edi Rama në Paris, ku po mbahet Forumi i Paqes.
Këtë të Shtunë, djali i Xhorxh Soros ka publikuar një foto nga pallati presidencial në Francë, ku shfaqet përkrah kryeministrit shqiptar. Në komentin që shoqëron foton e publikuar në rrjetet sociale, Aleks Soros e quan Ramën “vëlla”.
“Vëllezër në Elysee! Darka speciale për forumin e Paqes në Paris”, shkruan Soros.
Për të katërtin vit radhazi, Forumi i Paqes në Paris mbledh aktorët më të rëndësishëm në qeverisjen globale, krerët e shteteve dhe qeverive dhe drejtues të organizatave dhe të kompanive të mëdha shumëkombëshe, si dhe disa aktorë të shoqërisë civile. Edicioni që mbahet nga 11 deri më 13 nëntor, u organizua për të avancuar me zgjidhje konkrete ndaj sfidave të mëdha të paraqitura nga pandemia COVID-19 dhe për të përmirësuar qeverisjen globale.
