Atentati në Astir, identifikohen dy viktimat, ishin me precedentë penal

Erigers Mihasi 30 vjeç, dyshohet të jetë një nga viktimat e parë të atentatit të ndodhur rreth orës 19.30 tek vendi i njohur si dy rrathët në Astir. Autorët për policinë janë ende të paidentifikuar. Policia thotë se ka organizuar postblloqe në të gjitha akset kryesore të Tiranës.

Armando Dumani është viktima tjetër, për të cilin thuhet se ka pasur precedent të mëpërshëm penal, rreth 40 vjeç. Këto janë të dhënat e para pas këtij atentati, ndërkohë që viktimat duket se banonin në zonën e Astirit.

Dy viktimat kanë qenë duke udhëtuar me njëmakinë audi në momentin kur janë qëlluar me breshëri.

Mihasi njihet si një nga njerëzit më të afërt të Elvis Martinaj. Mihasi është shoqëruar disa herë në polici dhe në emër të tij janë disa vepra penale të regjistruara.

LEXO EDHE  Baçi: Demokratët janë këtu gjithmonë e më të fortë

Thuhet se ekzekutorët kanë pasur informacion mbi lëvizjen e tyre.

Ndërkohë trupat e viktimave janë hequr nga vendi i ngjarjes rreth orës 20.27 minuta. Po në këtë moment është larguar edhe makina ku qëndronin viktimat.

Pas atentatit autorët e dyshuar që ende nuk janë identifikuar nga policia janë larguar me shpejtësi në drejtim të Shehit Shqiponja.

Mbi automjetin tip Audi është qëlluar me breshëri. Ndërkoheë që sipas burimeve, në momentin e parë, drejtuesi i audit, është mundur të shmanget, por nuk ka arritur dot.