Kur ka kaluar rreth dy orë nga atentati në zonën e Astirit, ku dy të rinj, 26 dhe 32 vjeç u ekzekutuan brenda automjetit të tyre tip Audi A8, policia dyshon se autorë të ngjarjes mund të jenë 3 persona.
Policia dyshon se ndaj automjetit ku udhëtonin dy viktimat Erigers Mihasi 32 vjeç dhe Armando Dumani, 26 vjeç, mund të jetë qëlluar nga dy armë automatike, edhe pse nuk ka informacione zyrtare. Automjeti i viktimave është përshkruar nga plumbat, ndërsa mendohet se ndaj tyre janë qëlluar 15-20 plumba.
Automjeti që udhëtonin viktimat ishte në lëvizje dhe po kështu edhe ai ku ndodheshin autorët. Këta të fundit dyshohet se kanë qëlluar në drejtim të xhamit të parë dhe më pas plumbat kanë përshkruar edhe dyert e mjetit luksoz Audi A8.
Referuar raportimeve, distanca mes automjetit të autorëve dhe atyre të viktimave, ka pasur një distancë jo më shumë se 5 metra. Dyshohet gjithashtu që autorët kanë ndjekur vktimat dhe kanë shfrytëzuar momentin kur dy makinat ishin paralel për të qëlluar me breshëri.
