Përplasje fizike u shënua për disa momente mes fermerëve protestues në Fier dhe efektivëve të policisë të vendosur në zonë.
Fermerët thyen kordonin e policisë dhe u ulën në mes të rrugës duke bllokuar rreth-rrotullimin Plugut.
Uniformat blu shoqëruan disa persona.
Më pas, fermerët liruan rrugën për kalimin e automjeteve, ndërsa protesta e tyre vijon.
Fermerët e Myzeqesë kanë dalë në protestë këtë të Premte në rreth-rrotullimin e Plugut, duke kundërshtuar paketën e re fiskale për vendosjen e 10% të TVSH-së.
Ata paralajmëruan se nëse kërkesa e tyre nuk merret parasysh, do të bllokohet rruga ditët në vijim.
