Mbi 15 persona janë shoqëruar në komisariatin e policisë së Lushnjes pas protestës së fermerëve që u zhvillua më herët gjatë ditës pranë kthesës së Plugut.
Në mesin e të shoqëruarve është dhe kreu i sindikatës së fermerëve Eduard Sharka.
Gjatë paradites së sotme, qindra fermerë dolën në protestë për shkak të pakënaqësive të tyre në lidhje me paketën fiskale të vitit të ardhshëm. Gjatë protestës, ata u përplasën dhe me policinë, për shkak të bllokimit të aksit kryesor që lidh Tiranën me jugun e vendit.
Fermerët i lanë kohë dy ditë qeverisë që të reflektojë në lidhje me kërkesat e tyre, në të kundërt paralajmëruan se do të dalin sërish në protestë, këtë herë duke bllokuar pa afat qarkullimin e mjeteve.
