Pesë persona u proceduan lidhur me protestën e djeshme të fermerëve në Lushnje.
Policia njoftoi këtë të Shtune se “specialistët për Hetimin e Krimeve në Komisariatin e Policisë Lushnjë proceduan penalisht për veprat penale ‘Pengimi i qarkullimit të mjeteve të transportit’, ‘Mosbindja ndaj urdhrit të punonjësit të rendit publik’ dhe ‘Organizimi dhe pjesëmarrja në manifestime të paligjshme’, shtetasit E.Sh., 43 vjeç, banues në Lushnjë, K.H., 23 vjeç, A.V., 41 vjeç, E.V., 36 vjeç, D.O., 34 vjeç, banues në fshatin Drenovicë, Berat, pasi ditën e djeshme në vendin e quajtur ‘Rotondo e Plugut’ kanë bllokuar kalimin e mjeteve për rreth 15 minuta dhe kanë kundërshtuar me dhunë punonjësit e Policisë”.
Fermerët protestuan dje duke kundërshtuar paketën e re fiskale dhe mosmbështetjen që siç u shprehën, qeveria po tregon ndaj tyre.
