Ish-deputeti Lefter Maliqi, i cili ka mbështetur publikisht Foltoren e ish-Kryeministrit Sali Berisha, shprehet përmes një postimi në rrjetet sociale, se 11 dhjetori, dita e njoftuar për mbledhjen e Kuvendit Kombëtar të PD, është dita e madhe e demokracisë.
Maliqi shkruan se pengjet e Edi Ramës janë alarmuar se nuk e prisnin fundin e tyre me turp siç e meritonin.
Në vijim, ish-deputeti thekson se vetëm foltorja historike e Berishës shkatërron bunkierin e narkoshtetit. Zoti e desh Berishën në këto momente për të shpëtuar demokracin.
“Qentë le të lehin, karvani s’ndalet deri në fitoren e PD dhe opozitës së bashkuar. Kuvendi i madh po afron, dita e ndeshkimit të pengut dhe koneve rreth tij po perëndon! Dielli i fitores po afron.
Të bashkuar në 11 Dhjetor dhe në vazhdim me protesta e revolucion demokratik deri në vendosjen e demokracisë, votës së lirë dhe të ardhmes Europiane. Fitore!”, shkruan Maliqi.
