Deputetja Flutura Açka, e cila drejton edhe Komisionin e Apelimit në Partinë Demokratike, ka shprehur kritika lidhur me mënyrën se si janë mbledhur firmat e delegatëve për mbledhjen e Kuvendit Kombëtar të kësaj partie.
Açka mendon se mbledhja e firmave duhej bërë në rrugë legale, në praninë e një grupi pune, në prani të një noteri.
“Është fjala për një Kuvend të jashtzakonshëm dhe nuk duhet të bëhet në kushte të zakonshme. Unë do ta bëja të gjithë procesin transparent, çfarë do të sugjeroja është që grupi punës i Berishës të hapte një zyrë në prani të noterit, të firmoste, në sy të tyre, por jo në rrugë, të bëheshin aty publike me noter, jo në rrugë në makinën e filanit, të merren këto firma”, tha ajo.
