“Ish-Kryeministri Sali Berisha nuk e merr dot PD-në”, parashikon gazetari Arian Çani. Mbrëmjen e djeshme në emisionin “Të Paekspozuarit”, Çani renditi disa arsye, që sipas tij, Berisha nuk mund të marrë dot drejtimin e PD-së.
“Ju po flisni sikur Berisha e merr PD-në. Më vjen keq, por Doktori nuk e merr dot PD-në. Nuk e merr sepse nuk e lënë ta marrin, nuk e lënë gringot, Amerika.
E dyta Berisha duhet të kishte luajtur më hapur me firmat, nëse donte të merrte partinë ai duhet të luante hapur. Duhet të kishte mundësinë që ta bënte publike. 4200 firma pse nuk janë bërë publike? Duhej që në sy të kamerave të mblidhte firmat.
Ja pse është keq me amerikanët. Sot ai ka nevojë të heqë gojët e liga. E treta është që deri më 11 dhjetor mund të ndodhin gjëra, gringot mund ta marrin si të pandehur. Unë nuk jam kundër Saliut, jam pro tij”, tha Çani.
