Nisur edhe nga deklaratat e ambasadores Yuri Kim, të një ditë më parë se, ajo dhe SHBA-të, nuk do të bashkëpunojnë me Sali Berishën, nëse ai merr drejtimin e Partisë Demokratike dhe njeh Lulzim Bashën si kryetar të PD-së, gazetari Armand Shkullaku, i ftuar në emisionin “Të Paekspozuarit” në MCN TV, u shpreh se ambasadorja amerikane e ka tejkaluar rolin e saj.
“Pas vendimit për shpalljen ‘non grata’ të Berishës, nuk e di për çfarë arsye, por ambasadorja amerikane e tejkaloi rolin e saj, kur tha që PD-ja, duhet të përjashtonte Berishën. Kjo është diçka, që shkon përtej misionit diplomatik. Distancimi i ambasadores ndaj Berishës, është diplomatike.
Ky vendim na çoi, ku Basha, nuk tha, do të distancohemi, por tha që Berisha është simboli dhe historia e kësaj partie, por do ta pezullojmë ca kohë, jo përjashtim, por tani për tani s’kemi çfarë t’i bëjmë Amerikës.
Këtu kemi një vendimmarrje të një force politike sovrane, nën diktat, pra dhe Basha tha: “Na keni detyruar ju që po e bëjmë”.
Sot, pas tetë viteve me Facebook, Berisha, po kthehet me shumë mbështetje.
Intervista e Yuri Kim për një media televizive, sipas burimeve tona, është intervistë e kërkuar prej saj, ditën që Berisha do të dilte për të prezantuar firmat për Kuvendin”, tha Shkullaku.
