Kryetari i Partisë Demokristiane, Nard Ndoka, është shprehur se ish-Kryeministri Sali Berisha e ka menaxhuar në mënyrë perfekte ‘Foltoren’.
Në një intervistë për Ora News, ai është shprehur se Berisha nuk ka shkelur në asnjë moment statutin e partisë Demokratike, ndërsa ka shtuar se Kryedemokrati Lulzim Basha, nëpërmjet Sekretarit të PD, Gazment Bardhi po mundohen të sajojnë probleme për mos mbledhjen e Kuvendit.
Nard Ndoka: Berisha është një politikan profesionist, ka një axhendë të qartë dhe të kujdesshme në të cilën të paktën nuk ka çeduar, nuk ka gabuar asnjë milimetër që ka nisur. Pjesën e ‘Foltore’ e ka menaxhuar në mënyrë perfekte. Berisha po i respekton me fanatizëm rregullat e statutit. Asnjëherë se ka shkelur statutin. Alibia qëndron te Basha. Basha qëndron që nëpërmjet viktimës së tij, Gazit të sajojnë probleme.
¼ e delegatëve e thërret në mënyrë automatike Kuvendin, i jepet hapësira anëtarësisë, kur kryetari nuk është në atë linj, pra kur linja zyrtare devijon. Pra mblidhet Kuvendi, caktohet një komision për verifikimin e mandateve, caktohet komisioni për verifikimin e mandateve, dhe vazhdon punën dhe Kuvendi. Qytetarët e kanë të qartë se cila është mbështetja për Berishën dhe për Bashën.
Ndoka thekson se Berisha tashmë po mundohet të rregullojë gabimin që në krye të Partisë la Lulzim Bashën.
Nard Ndoka: Berisha ka një hall, Berisha vuan pjesën kujt ja dorëzoi stafetën. Berisha po mundohet që të rregulloj at gabim që drejtimin e partisë ja la një njeriu të paaftë. Koha e tregoi se Basha është i paaftë është I dështuar por është edhe burracak. Basha është transformuar si njeri. Kjo më dhemb shumë, kur e shoh Bashën të përdor atë gjuhë. Basha duhet të kishte një fjalor normal, të anashkalonte përplasjet, dhe të merret me punët e partisë. Basha që prej 8 vitesh bashkëpunon me Ramën në mënyrë të fshehtë. Është peng tij dhe viktimë në mënyrë të drejtpërdrejt.