Alvisa Qarri tregoi pak ditë më parë se ish i dashuri i saj, Hysen Ramaj, e kishte kërcënuar që do i publikonte disa video me Bashkimin nëse nuk do të dilte nga “Përputhen”. Pas kësaj, Hyseni, në një lidhje direkte me emisionin tha versionin e tij të historisë dhe zbuloi se u ribashkua me Alvisën gjatë pjesëmarrjes në emision, por kjo e fundit e preu në besë.
Alvisa tha se Hyseni e kishte shantazhuar, kërcënuar, përndjekur dhe dhunuar. Ajo deklaroi se kishte jetuar me frikë dhe gjithçka e kishte bërë nën trysninë e kërcënimeve dhe shantazheve të shumta, por nuk u besua nga askush.
Së fundi Alvisa ka vendosur të flasë dhe të tregojë me fakte se është dhunuar e tradhtuar nga Hyseni gjatë kohës kur kanë qenë të lidhur. Në mesazhet e tyre që kanë shkruar në Maj të këtij viti, Alvisa i tregon Hysenit se pse nuk e ka denoncuar në polici.
“Denoncimin nuk ta bëra për shkak të mamit dhe babit tim”-i shkruan Alvisa.
Pasi publikoi provat Alvisa tha se nuk ka dashur asnjëherë të flasë për këtë periudhë të errët të jetës së saj, por u detyrua pasi Hyseni filloi të hidhte baltë në imazhin e saj me gjëra të pavërteta.
“Askush nuk po më dëgjonte kur unë po tregoja se kërcënohem dhe përndiqem nga Hyseni dhe u detyrova të tregoja horrorin e jetës time. Është e turpshme që askush s’ta beson dhimbjen. E trupshme që ka njerëz kaq pa shpirt.
Dhe e fundit, nuk kam tradhtuar sepse nuk kam qenë e lidhur.”– shkruan Alvisa ndër të tjera.