SHISH çel aplikimet për inspektorë, kriteret dhe dokumentet që duhen
Shërbimi Informativ i Shtetit ka çelur aplikimet për inspektorë.
Shërbimi Informativ i Shtetit njofton se kërkon të punësojë shtetas, të cilët pas konkurrimit do t’i nënshtrohen dhe një trajnimi.
“Nevojat e SHISH janë fokusuar në inspektorë në SHISH, të gatshëm për të punuar në terren dhe jashtë vendbanimit”, bën me dije Shërbimi Informativ në një njoftim, ku përcaktohen dhe kriteret e dokumentat që duhen për aplikim.
KUSHTET
Kandidatët duhet të plotësojnë kushtet e poshtëshënuara:
– Të jenë shtetas shqiptar;
– Të kenë zotësi të plotë për të vepruar;
– Të kenë mbaruar arsimin e lartë;
– Të mos jenë dënuar me vendim gjykate të formës së prerë, për kryerjen e një krimi;
– Të jenë të aftë nga ana shëndetësore, për të kryer detyrën;
– Të mos jetë marrë ndaj tyre masë disiplinore e largimit nga administrata shtetërore për shkak të një shkelje të rëndë të disiplinës.
Preferohen:
– Të kenë njohuri të mira në gjuhën angleze, apo gjuhë të tjera;
– Të jenë deri në moshën 35-vjeç;
– Të kenë njohuri për programet bazë të kompjuterit;
DOKUMENTAT
Të interesuarit të paraqiten pranë Njësive të SHISH në rrethet pranë vendbanimeve, si dhe pranë Shërbimit Informativ të Shtetit në AQ, Tiranë, deri në datën 15/11/2021, me dokumentet e mëposhtme:
– Kërkesë për punësim;
– CV, sipas modelit bashkëlidhur, të publikuar dhe në faqen zyrtare të SHISH;
– Fotokopje e kartës së identitetit, apo pasaportës;
– Certifikatë familjare;
– Raport mjeko-ligjor ;
– Fotokopje e noterizuar e diplomës së arsimit përkatës dhe e listës së notave;
– Vërtetim nga Prokuroria e rrethit përkatës;
– Vërtetim nga Gjykata e rrethit përkatës;
– Vërtetim nga Zyra Përmbarimore e rrethit përkatës;
– Vërtetim nga administrata shtetërore (në rastet kur kanë qenë të punësuar), që
nuk janë larguar nga puna me masë disiplinore, për shkak të një shkelje të rëndë
të disiplinës;
– Certifikata apo dëshmi për njohuri në gjuhët e huaja, kompjuter, si dhe
certifikatë trajnimesh në sfera të tjera, (nëse kanë).
– Fotografi 4×6 (4 copë) dhe 9×12 (2 copë).
Dokumente të tjera plotësuese, nëse disponojnë:
- a) Vlerësim pune nga punëdhënësit e mëparshëm;
- b) Fotokopje të librezës së punës.
