Pjesë e emisionit ‘Me zemër të hapur’ në ‘News24’ është bërë edhe nëna e 14-vjeçares, e cila u bë ‘mollë sherri’ për vrasjen që ndodhi pak ditë më parë në Elbasan.
Ngjarja ndodhi pak ditë më parë ku një 26-vjeçar u vra dhe u plagos vëllai i tij, 19-vjeçar, i cili rezulton të jetë dhe i dashuri i të miturës.
Në një lidhje telefonike ajo tha se dy vëllezërit, Florenc dhe Mikel Kovaçi pinin drogë, ndërsa akuzoi këtë të fundin se abuzonte me të bijën.
“Unë kam qenë në Shqipëri. Kam bërë kallëzim për këtë djalin. I kisha thënë dhe babait, djalit dhe policisë; ju lutem shumë s’ka pse t’i afrohet gocës time ai se ajo është minorene. Këtë vit në korrik e kam bërë denoncimin. Disa herë ka qenë nëna ime. Ai e përdor hashashin, dhe s’ka pse të thotë ai se vajza ime përdor hashashin se ajo është minorene. E dija lidhjen. I thash gocës; “si qëndron puna?”. Ajo më tha; ‘mami ai e konsumon hashashin’. I thash; “hiq dorë prej atij. Do ta kallëzojë”. Goca qëndroi një natë te shtëpia e tij, se gjeta atje kur shkova me policinë. Por shoqëria e saj e ka parë me atë djalë. Goca është 14 vjeçe dhe askush nuk duhet t’i afrohet. Asaj i gënjehet truri shpejt. Lerë ça thotë ai se s’ka ça nxjerr më. I thash; ‘qëndro larg gocës time’. I thash babai të tij; ‘mbaje djalin tënd larg’. Shteti ka për detyrë që të mbronte atë fëmijë minoren. Ai gjeti një fëmijë aty pa nënë dhe pa baba dhe u mor. Ajo ka qenë në jetimore. Tani që erdhi në Shqipëri. Ai prapë i shkruante vajzës. I Thashë; qëndroi larg vajzës. Pasi ka një vëlla në shtëpi. Ato të lagjes i thoshin; “e Ardi pamë motrën në filan vend, me atë çun”.
Edhe pse kam bërë denoncim, policia nuk ka reaguar. Çunin e morën në pyetje dhe më pas e lanë. Se di se si ka ndodhur ngjarja. Djali im punonte në mëngjes dhe vinte në darkë në shtëpi. Se di ça ka ndodhur. Dy vëllezër përpiqen me një djalë. Se kam djalin të sëmurë mendor, as drogë, vetëm alkool, birrë. Se di si ka ndodhur ngjarja. Të gjithë e njohin se ça fëmije është djali im. Fajin e ka babai i djalit dhe shteti, që se mori përsipër këtë gjë. I thash babës së atij djali; mbaje larg djalin nga goca ime. Do më fusni çunin në burg. goca ka qëndruar nja 4-5 muaj në jetimore. Ata ishin afro një vit bashkë.”, tha ajo për gazetaren Evis Ahmeti. Ndërkohë, në përballje me të futur i mbijetuari, Mikeli.
“S’janë të gjitha të vërteta akuzat. Djali i saj konsumon drogën”, tha ai.
(BalkanWeb)
