Supermodelja Bella Hadid ka zbuluar se qan pothuajse çdo ditë dhe çdo natë. Bella ka postuar disa fotografi që ka bërë duke qarë dhe vuri në dukje se mediat sociale nuk janë reale, ndërsa u bëri thirrje ndjekësve të saj që po luftojnë me shëndetin mendor të kujtojnë gjithmonë se ka dritë në fund të tunelit.
Modelja citoi Willoi Smith: “Të gjithë njerëzit janë të ndryshëm, çdo njeri ka diçka kaq të veçantë dhe unike për të ofruar. Dhe njerëzit harrojnë se të gjithë ndihen në thelb njësoj: të humbur, të hutuar, të pasigurt pse janë këtu. Ankthin të gjithë po e ndjejnë dhe përpiqen ta mbulojnë në një farë mënyre.”
Më pas, Hadid foli për dështimet e saj duke thënë se asaj iu desh shumë kohë për të kuptuar se gjërat mund të bëhen mirë.
“Mediat sociale nuk janë reale. Për këdo që ka vështirësi, ju lutemi mbani mend këtë. Ndonjëherë gjithçka që duhet të dëgjoni është se nuk jeni vetëm. Pra, nga unë te ju, nuk jeni vetëm. Më është dashur shumë kohë për ta kuptuar këtë në mendjen time, por kam pasur mjaft dështime për ta mësuar këtë: nëse punon mjaftueshëm me veten, duke kaluar kohë vetëm për të kuptuar traumat, shkaqet, gëzimet dhe rutinën tënde, gjithmonë do të jeni në gjendje të kuptoni ose të mësoni më shumë për dhimbjen tuaj dhe si ta trajtoni atë.“- tha Hadid.
Ajo vuri në dukje se ndjenjat e pafuqisë dhe ankthit mund të ndalen dhe të fillojnë përsëri.
“Është pothuajse si një slitë e rrjedhshme me pengesa, ka uljet dhe ngritjet e saj, dhe anasjelltas. Por dua që ju ta dini, ka gjithmonë dritë në fund të tunelit, dhe gjithmonë vjen një ndalim i plotë në një moment”- tha ajo.
View this post on Instagram
