Gjykata e Apelit të Posaçëm Kundër Korrupsionit dhe Krimit të organizuar ka lënë në fuqi masën e sigurisë arrest me burg ndaj avokatiti Lavdosh Shehu, i arrestuar tre javë më parë për akuzën e “ushtrimit të ndikimit ndaj personave që ushtrojnë funksione publike”.
Nëpërmjet avokatit të tij mbrojtës ai kërkoi lirinë dhe ndryshimin e masës nga arrest me burg në garanci pasurore.
Sipas mbrojtësit, avokati Lavdosh Shehu nuk ka konsumuar vepër penale pasi ai ka proceduar komform të gjitha rregullave ligjore, për ekstradimin nga Italia drejt Shqipërisë të shtetasit Fatos Hyseni i dënuar me 30 vite burg për vrasje.
Një tjetër kërkesë e avokatit për masë më të butë është fakti se sipas mbrojtjes Shehu, nuk ka takuar apo nuk ka ndërhyrë tek asnjë zyrtar apo punonjës në ministrinë e drejtësisë, ku të gjitha komunikimet i ka kryer nëpermhet emailit. Gjithashtu në ankimim thuhet se për 5000 mijë eurot që ai i ka marrë shtetases Shqipe Hyseni, për punën e transferimit të djalit të saj, ai i ka kthyer asaj një shumë prej 900 eurosh.
Ndërsa për 4100 euro ai ka lëshuar edhe faturë tatimore. Ndërkohë një tjetër argument është edhe fakti se i dënuari hyseni me 30 vite burg në Itali për vrasje është ekstraduar nga Italia drekt shqipërisë.
Por në fund gjykata rrëzoi kërkesat duke lënë në fuqi masën e arrestit.
Avokati Lavdosh Shehu u arrestua më 22 tetor me urdhër të SPAK, pasi akuzohet se i kërkoi 12 000 euro familjes Hyseni duke i premtuar ekstradimin nga Italia duke korruptuar zyrtarë të Ministrisë së Drejtësisë.
