Sendi i dyshimtë që u gjet në Rrugën “Martin Camaj” në Tiranë ishte një GPS, model i vjetër. Pas konstatimit të sendit, i cili dukej si radio, zona e “Brrylit” në Tiranë u rrethua mëngjesin e së premtes nga forca të shumta policie.
Shërbimet e Policisë të Komisariatit Nr.4 vendosën perimetrin e sigurisë deri në mbërritje e ekspertëve antieksploziv të RENEA-s të cilët konstatuan se nuk kishte rrezik. Fillimisht u dyshua se bëhej fjalë për një bombë artizanale të lidhur me telefon, e cila mund t’i ishte vënë një automjeti.
