Kryesia e FRPD-së e cilëson në shkelje të statutit vendimin e kryetarit të PD-së Lulzim Basha për riorganizimin e FRPD-së.
“Sot ne orën 19:00 ne selinë e Partisë Demokratike, kryesia e FRPDSH do te zhvilloje një mbledhje kryesie dhe me pas do këtë një prononcim për shtyp. FRPDSH është organizate partnere e PDSH, ka forumet e veta dhe statutin e vet dhe çelja e garës nga PDSH është ne shkelje te statutit”, njofton FRPD.
Kryetari i PD, Lulzim Basha udhëzoi nisjen e procesit të rifreskimit të strukturave të FRPD dhe ngritjen e një grupi pune që do të mbikqyrë procesin.
Sipas një njoftimi nga zyra e shtypit e PD-së, zgjedhjet për kryetar të FRPD-së janë mbajtur për herë të fundit në dhjetor 2015 dhe mandati i kryetarit dhe forumeve drejtuese kanë mbaruar në vitin 2019.
Por për FRPD, vendimi i Bashës është në shkelje të statutit. Kujtojmë se rreth dy muaj më parë, 30 anëtarë të kryesisë të Forumit Rinor të Partisë Demokratike kërkuan referendum lidhur me vendimin e drejtuesit të PD-së Lulzim Basha, për përjashtimin e Sali Berishës nga grupi parlamentar demokrat.
