Çështjen e besimit në Qeveri mund ta bëjnë së paku 20 deputetë, ndërsa votëbesimi në Qeveri bëhet pas skadimit të tri ditëve nga shtrimi i pyetjes së besimit, sipas Kushtetutës së Republikës së Maqedonisë së Veriut.
“Qeveria dhe secili prej anëtarëve të saj përgjigjen para Kuvendit për punën e tyre. Kuvendi mund t’a votojë mosbesimin Qeverisë. Të paktën 20 deputetë mund t’i bëjnë pyetje Qeverisë. Votimi i besimit në Qeveri bëhet pas kalimit të tri ditëve nga shtrimi i çështjes së besimit, thuhet në nenin 92 të Kushtetutës së Maqedonisë së Veriut.
Vendimi për mosbesimin e Qeverisë merret me shumicë votash nga numri i përgjithshëm i deputetëve. Nëse Qeverisë i jepet votëbesimi, Qeveria është e detyruar të japë dorëheqje, këtë e përcakton Kushtetuta.
Në të njëjtin nen 92 thuhet se përsëri çështja e mosbesimit ndaj Qeverisë nuk mund të ngrihet para skadimit të 90 ditëve nga votimi i fundit i besimit, përveç nëse çështja e besimit shtrohet nga shumica e numrit të përgjithshëm të deputetëve.
Në nenin 93 të Kushtetutës, ndër të tjera, përcaktohet se Qeveria së cilës i është votuar mosbesimi, e cila ka dhënë dorëheqjen ose i është ndërprerë mandati për shkak të shpërndarjes së Kuvendit, qëndron në detyrë deri në zgjedhjen e një qeveri të re.
