Eksperti i shëndetit publik dr. Erion Dasho, përmes një postimi në rrjetet sociale, shkruan se gjatë muajit tetor kanv humbur jetën si pasojë e Covid-19, 22 qytetarë nën moshën 60 vjeç.
Dasho i konsideron të pajustifikuara këto humbje jete, duke shtuar se një pjesë e madhe e këtyre vdekjeve do të ishin parandaluar nëse fatkeqët do të ishin vaksinuar në gusht, kur edhe nisi programi i hapur i vaksinimit me vaksina cilësore, Pfizer dhe Astra Zeneca.
Dasho shkruan se çdo qytetar që është vaksinuar me vaksinën kineze, duhet të vaksinohet me një tjetër vaksinë të sigurtë.
Postimi nga Erion Dasho
Gjatë muajit tetor 2021 ka patur mbi 20 vdekje prej COVID-it në persona me moshë nën 60 vjeç.
Ndërsa humbja e jetës nga COVID-i (e parandalueshme tashmë) në çdo moshë është tragjedi, humbja e jetës në këtë grupmoshë aktive është dyfish tragjike.
Një pjesë e madhe e këtyre vdekjeve do të ishin parandaluar nëse fatkeqët që humbën jetën do të ishin vaksinuar në gusht, kur edhe nisi programi i hapur i vaksinimit me vaksina cilësore, Pfizer dhe Astra Zeneca.
Stina e virozave ka nisur. Për të parandaluar humbje të mëtejshme të jetëve është e domosdoshme që:
1. Çdo person që është vaksinuar me vaksinën CoronaVac…
2. Çdo person mbi 50 vjeç që është vaksinuar më shumë se 6 mua më parë…
3. Çdo person që nuk e ka kaluar COVID-in…
4. Çdo person që tashmë ka më shumë se 7-8 muaj që ka kaluar COVID-in…
… duhet të vaksinohet sa më parë me një vaksinë të sigurt.
Mbronin jetën tuaj!
***
Vdekjet në personat me moshë nën 60 vjeç gjatë muajit tetor 2021:
》Tiranë (6): 26, 44, 45, 51, 57, 58
》Durrës (5): 43, 50, 52, 53, 58
》Fier (5): 51, 51, 52, 57, 58
》Elbasan (1): 38
》Sarandë (1): 27
》Mat (1): 47
》Krujë (1): 41
》Kavajë (1): 57
》Përmet (1): 42
