Vettingu politik, Reforma Zgjedhore, Reforma Territoriale. Këto tre kërkesa të Partisë Demokratike të cilat i janë parashtruar mazhorancës po diskutohen në studion e Open. Enkelejd Alibeaj, deputet i PD-së deklaroi se e gjithë kjo është në interes të publikut dhe tani jemi në një proces i cili duhet të jetë kushtetues dhe të diskutohet sipas rregullores.
“Ne nuk jemi nga ata që të themi se këto tre kërkesa të votohend he pikë, por duhen diskutuar. Ne duhet t’i diskutojmë dhe secili të ketë të drejtë të thotë argumentet e veta dhe publiku të gjykojë. E kam thënë unë, e ka thënë Basha, po e them dhe njëherë. Do të marrim aq kohë sa kërkohet nga procedura parlamentare. Ju e kërkoni tani përgjigjen. Një qasje konstruktuive është kjo: Pse të mos dëgjojmë zërinneutral të akademikëve, të shoqërisë civile, pse të mos i bëjmë publike për këdo dhe në fund secila palë ka pavarësinë e vet, por tashmë do të ketë dhe peshën e argumenteve për ta bërë gjithçka publike. Pyetja e parë është ajo se pse nuk u realizua pritshmëria e vitit 2016-ës, për të shkuar tek hapi i radhës”, tha Alibeaj.
Alibeaj tha se nuk ka asnjë pikëpyetje. Sipas tij kushtetuta u votua me 140 vota, por ligji , ai që i jepte jetë Kushtetutës u votua në mënyrë të njëanshme.
“Tashmë jemi futur në një procedurë parlamentare dhe ajo Kushtetut nuk mund të jetë vetëm e opozitës dhe mazhorancës, por tani vjen momenti që ta tregojmë në mejdon se kush ka pasur të drejtë”, tha Alibeaj.
